Santa Comba non é só pubs

Santa Comba destaca por ser unha das vilas galegas nas que máis marcha nocturna hai. Pero podes atopar moito máis; é un concello rural, como o é Mazaricos, e neles podemos coñecer mulleres que se parecen a Rosalía de Castro, homes que traballan o ferro, mozos que aman a música pop ou auténticos bardos que gozan creando poemas en galego.

Santa Comba e os seus arredores representan o que é Galicia, cos seus contradiccións, en definitiva esta ruta é unha fiel mostra de Galicia.

¿Por que?

Visitar a comarca do Xallas, na que se atopa Santa Comba, merece pena se o que queres é coñecer a Galicia auténtica, se pola contra desexas comer nun fast food, este non é o teu sitio. 

Se destaca en algo Santa Comba é, a parte do seu carácter rural e a economía agrogandeira, sobre todo na marcha nocturna que hai nesta pequena vila. Santa Comba está de moda.

Pero non só hai pubs, como reza o título da ruta, hai moito máis, ¿por que non te animas a descubrilo?     

E ademais...

Podemos gozar da singularidade dos hórreos xalleiros, todos eles de pedra. Do traballo do campo e do gando. O carácter agrícola da zona permitiu que sigan existindo tradicións, como a visita á feira de Santa Comba. E outro elemento fundamental que non debemos esquecer é o chapeu xalleiro, así que se podes faite cun deles.  

Que vas descubrir

Vas descubrir Galicia, o seu campo, a xente tal cal é, sen artificios. Produtos da horta, plantados polo agarimo daquel que goza coa terra.Vas poder ver o enfrontamento entre o tradicional e a modernización e permitirache coñecer como se conxuga este cambio.

Programa da Ruta

Ver Mapa

Empezamos polo centro de Santa Comba, que non destaca por nada en especial, e xa só por isto ten unha destacada singularidade. Desde Santa Comba podemos ir a Mazaricos e desprazarnos cara Zas e Cabana de Bergantiños, etc... O mellor nestes casos, e sobre todo o que fago eu,  é penetrar nestes pobos que se diseminan como pingas de auga nunha folla, e empezar a coñecer a súa xente, as súas tradicións, como traballan, como seguen pelexando ata o fin, como foron capaces de superar os momentos difíciles como foi a emigración, que supuxo nesta comarca durante un longo período unha importante fonte de ingresos.

Pero o que non debemos perdernos é a súa fantástica gastronomía, cuns produtos que xa eran ecolóxicos aínda antes case de existir a palabra. O esmero con que a xente traballa a horta, coida as súas vacas, etc..., fai que os produtos desta terra sexan dignos de ser cociñados e sobre todo, degustados.