Cara á fronteira verde

As comarcas de Celanova e Baixa Limia sitúanse ao sur de Galicia, na provincia de Ourense, limitando, no caso de Baixa Limia, con Portugal.

Espéranos unha aventura chea de natureza, tradicións,  literatura e cultura en xeral. Todo iso nunha terra chea de maxia e historias sorprendentes.

¿Por que?

A Baixa Limia e Celanova son dúas comarcas ben diferenciadas. Namentres que na primeira nos poderemos atopar con particularidades como a notable influencia da proximidade á fronteira portuguesa, as montañas do parque natural de O Xurés, abundantes vestixios romanos, etc...; na segunda, Celanova, indagaremos sobre a peculiar vila medieval de Vilanova dos infantes, o foco literario de Celanova (berce dalgúns dos máis destacables autores galegos), a sorprendente riqueza cultural e etnográfica do pequeno municipio da Merca, etc...

Non cabe dúbida de que se trata de dúas zonas únicas en Galicia, que confiren un valor e un carisma especial á nosa terra. Unha, Celanova, por ser a orixe de varios dos literatos galegos máis míticos, e a outra, A Baixa Limia, por representar un verdadeiro pulmón para a comunidade grazas ao parque natural de O Xurés.

E ademais...

Non perderemos a oportunidade de visitar a José Antonio, propietario dunha granxa de cabras no parque de O Xurés e fabricante dun delicioso queixo ecolóxico que co seu gran sentido do humor mostraranos os seus animais, a súa produción, etc...

Por outra banda, a curiosísima aldea de Cela deixaranos abraiados debido ao aproveitamento de enormes pedras de varias toneladas que forman parte, coma se dun ataque con catapulta tratásese, das fachadas e os muros das vivendas.

Que vas descubrir

A pegada romana na zona faise notar grazas á abundante presenza de miliarios, algo así como pequenas columnas de pedra que indicaban a distancia percorrida polas antigas calzadas.

Na vila de Riocaldo, a última antes de entrar en terras portuguesas, abundan á súa vez as augas termais. Existe un balneario de considerables dimensións e algunha que outra charca habilitada para o baño na que, en función das cisrcunstancias, poderemos relaxarnos.

O leite das cabras de José Antonio, no parque natural de O Xurés, é a base da produción dunha delicia que poderemos degustar: o queixo de cabra de O Xurés.

No restaurante O Labrego, na Merca, poderemos falar con Ramón da Merca, un home cunha colección etnográfica da terra e unha bagaxe cultural que non debemos perdernos.

En Celanova e Vilanova dos Infantes visitaremos respectivamente a Casa dos Poetas (antiga residencia do local Curros Enríquez) e a torre de Vilanova dos Infantes, ao redor da cal se foi construíndo, alá pola idade media, toda a vila.

Programa da Ruta

Ver  Mapa

Parque Natural de O Xurés. O noso primeiro destino áchase en pleno parque natural e reserva da biosfera do Xurés. Trátase da granxa caprina de Queixos do Xurés, pola que o seu dono, José Antonio, nos guiará encantado. Poderemos degustar o seu delicioso queixo ecolóxico.

Riocaldo. Na vila de Riocaldo poderemos, se o desexamos, mergullarnos un intre nas augas termais de uso público así como visitar os miliarios próximos á fronteira con Portugal, en cuxo camiño poderemos ver fermosos torrentes de auga baixando con furia das montañas.

Cela. Coma se dun ataque con catapulta tratásese, a aldea de Cela conta coa particularidade de numerosas pedras de varias toneladas "encaixadas" nas paredes de diferentes vivendas. Un espectáculo arquitectónico único e digno de coñecer.

A Merca. Comeremos (moi ben, por certo) no Mesón O Labrego, na Merca. Aquí seremos recibidos por Ramón, un home de especial importancia na conservación de diferentes legados culturais: desde aparellos de labranza ata un idioma propio dos músicos da zona. Ramón destila historia polos catro costados.

Tamén na Merca visitaremos o conxunto etnográfico de canastros (así chaman aos hórreos nestas terras), formado por máis de 30 destas peculiares construcións.

Vilanova dos Infantes. Antes de chegar a Celanova, deterémonos na vila mediaval de Vilanova dos Infantes. Poderemos subir á torre ao redor da cal se alzou a cidade ademais dalgunha que outra sorpresa como a adega de San Vivián, a cal, con aspecto de catacumbas, podería ter sido un cemiterio xudeu.

Celanova. Para reamatar o noso percorrido pasearemos polo conxunto histórico de Celanova, vila monástica berce de literatos como Celso Emilio Ferreiro ou Curros Enríquez. Visitaremos a casa deste último, reconvertida nun museo chamado Casa dos Poetas.

Tamén poderemos entrar no mosteiro e visitar a única igrexa mozárabe de Galicia.

Máis Información

Casa do Xurés (Granxa Familiar)

Queixos do Xurés

Parque natural de O Xurés

Baixa Limia

Celanova

Miliarios