Cruzando as montañas

Velaquí una das visitas máis recomendables para aqueles/as que desexen coñecer a Galicia máis auténtica.

A ruta "Cruzando as Montañas" representa unha aventura inesquecible na que o/a viaxeiro/a se perdera na abrupta orografía destas terras, gozando a cada paso de paisaxes únicas e matices específicos de O Courel e Os Ancares.

Desde o sur de O Courel ata A Fonsagrada, pasando por O Cebreiro, o parque natural dos Ancares, Piornedo, etc... A aventura deixará un doce sabor na boca do viaxeiro.

E é que, como adoitan dicir por estas terras, quen proba, repite.

¿Por que?

Merece a pena deixarse caer por dous dos sistemas montañosos máis importantes de Galicia: as serras de O Courel e Os Ancares.

Poderíanse dar moitas boas razóns para a viaxe, aínda que por enriba de todas elas destaca a do contacto coa natureza como a máis significativa.

Adentrarse na montaña desde a vila de Quiroga para rematar gozando cunha das caídas naturais de auga máis altas de Europa na Fonsagrada, pasando polas ancestrais pallozas dos Ancares, gozando dos sons e as cores da auga e a vexetación, etc... supón para o/a viaxeiro/a unha aventura difícil de esquecer.

E ademais...

A posibilidade de coñecer O Cebreiro, primeiro punto galego do Camiño Francés ou poder gozar dos produtos elaborados a partir da castaña (como a deliciosa crema de castañas de O Courel) de Casa da Fonte son, á súa vez, notas de gran interese a ter moi en conta.

Que vas descubrir

A especiais flora e fauna do Parque Natural dos Ancares, as deliciosas posibilidades da abundante castaña, a incrible dispersión da poboación na montaña, as formas de vida dos antepasados do lugar, o osíxeno máis puro, curiosas manifestacións arquitectónicas como as pallozas ou a inexpugnable fortaleza de Doiras, a neve (en función da época do ano)...

Programa da Ruta

 Ver Mapa

Quiroga. Visitaremos a Daniel e Verónica, propietarios da Casa da Fonte e artesáns da castaña e froitas do bosque.

Folgoso do Courel. Coñeceremos unha das peculiares aldeas de O Courel, Santa Eufemia. Alí camiñaremos baixo as espesas ramas dos castiñeiros por algún dos seus soutos.

O Cebreiro. Unha vez chegados ao fin de O Courel, entraremos no pobo de O Cebreiro, a 1300 metros por enriba do nivel do mar e dedicado case exclusivamente a servizos para a peregrinaxe cara a Santiago.

Os Ancares. Tras pasar Pedrafita do Cebreiro, adentrarémonos xa na serra dos Ancares, para sorprendernos coa súa ricas flora e fauna, a súa orografía, as súas cores e olores, o son da auga...

Piornedo. O pobo de Piornedo conserva aínda multitude de pallozas (casiñas circulares de pedra con cuberta de palla) habitadas ata hai menos de 30 anos. Poderemos entrar nunha delas e descubrir os segredos dos habitantes locais para facer fronte á austeira vida nas montañas.

Navia de Suarna. Tras unhas horas perdidos na montaña aparecerá ante nós como un oasis, xa ao final da formación montañosa, Navia de Suarna, onde poderemos repor forzas para continuar a viaxe.

A Fonsagrada. Poremos punto final ao noso traxecto na Seimeira de Vilagocende, na Fonsagrada. Esta é unha das caídas naturais de auga máis altas de Europa e, aínda que chegar ata ela é relativamente complicado, merece a pena o esforzo.

Máis Información

Granxa Familiar

O Cebreiro

Piornedo

Os Ancares