Un paseo polas terras de Ourense. Pozas de auga quente e pulpo

Para quen estea buscando unha tregua á choiva de Galicia, que o tente nas terras de Ourense. De clima frío no inverno e caluroso no verán, alberga mil e unhas alternativas para visitar.  Paisaxe cultural, augas termais en pozas ao aire libre, gastronomía popular en torno ao "polbo a feira" como signo identitario da galeguidade ou o atractivo paseo por rúas de pedras milenarias da cidade e dos pobos e aldeas históricos dos seus arredores.

¿Por que?

Os ourensáns teñen a sorte de que a súa cidade capital está atravesada polo río máis importante de Galicia, o Miño, e as súas beiras crean as zonas de baño e paseos máis visitados da cidade. Por toda a comarca, o Miño e os seus afluentes forman pozas e caprichosas formas nas rochas, ideais para un baño no medio dun bosque. As augas termais tamén brotan quentes á superficie en múltiples lugares da comarca. A posibilidade de darse un baño nunha poza natural de auga quente, nun monte, mesmo no mes de decembro pola noite, supón unha experiencia para vivir e para contar.

E ademais...

É curioso que a única provincia galega sen mar, sexa onde mellor preparan o manxar galego por excelencia, o "polbo á feira". É moi típico de Ourense atoparse en cada esquina da cidade, nas estradas, nos pobos, un posto de pulpeiras, calquera domingo do ano. Baixo un pequeno posto, preparan o polbo en potas de cobre, á vista de calquera viandante.

Que vas descubrir

A cidade de Ourense, merece a pena coñecela. Pasear polo paseo fluvial, darse un baño na Chavasqueira, percorrer a súa zona vella e visitar a súa catedral. Ourense tamén é ideal para visitar de noite, ten moito ambiente na fin de semana, sobre todo pola rúa de Viños, onde se pode probar un magnífico licor café.

En Allariz recomendamos pasear tranquilamente polo seu paseo fluvial, tomar un café na antiga curtiduría, hoxe restaurada, e pasar a tarde paseando pola súa zona vella.

Programa da Ruta

Ver mapa

1.- A Conchada

2.- Ourense, cidade. Zona vella e marxes do Miño. Chavasqueira

3.- Allariz

4.- Bosque de Agustín Ibarrola

5.- Ecoespacio do Rexo

Máis Información

A Conchada

Termas de Ourense

Coñece  neste vídeo as Termas de Ourense 

Ecoespacio de O Rexo

Coñece neste vídeo o Ecoespacio do Rexo  e o Bosque de Agustín Ibarrola