Santiago con escalas

O obxectivo desta ruta é chegar a Santiago de Compostela por un camiño alternativo que pasa polos municipios de Negreira e Ames.

A traxectoria a seguir fai escalas no conxunto histórico do Pazo de Cotón en Negreira e na encantada aldea de Pontemaceira, a beiras do río Tambre.

A esperada chegada a Santiago de Compostela non se reducirá unicamente a un paseo polo seu casco antigo que desemboque inevitablemente na Praza do Obradoiro na que se alza maxestuosa a catedral máis importante do mundo, senon que trataremos de orientala visita cara lugares descoñecidos para a maioría de peregrinos e turistas en xeneral.

¿Por que?

A ruta “Santiago con escalas” é unha excelente maneira de coñecer Compostela. Preténdese que o/a viaxeiro/a vaia facendo boca coas visitas á Negreira máis monumental e a unha das máis fermosas aldeas de Galicia: Pontemaceira, en Ames.

Calquera aclaración ou explicación da riqueza patrimonial, cultural ou paisaxística das terras compostelás antóllase case innecesaria.

Por todos é sabido que, dalgunha maneira, o camiño de Santiago representa  a espiña dorsal de Europa; a raíz a partir da cal puido vertebrarse o vello continente, e que aglutina, por conseguinte, influencias culturais do máis variadas.

Santiago de Compostela é, neste momento, unha cidade moderna repleta de estudiantes universitarios/as de todas as nacionalidades, e cunha riqueza que vai máis aló do innegable encanto do seu casco antigo.

E ademais...

Coñeceremos tamén algún dos recunchos máis escondidos da cidade, como o parque A Granxa do Xesto, no que nos relaxaremos ao final do día, así como os locais máis míticos de Compostela.

Trátase dunha visita alternativa a Santiago, en cuxa traxectoria poderemos deternos en casa Ruso e Casa Sampedro, dúas granxas de carácter familiar situadas en Brión e dedicadas á produción de hortalizas varias e capóns, coellos, patos, tenreira, etc... Poderemos facernos con algunha mostra dos seus produtos.

Que vas descubrir

Descubrirás toda a maxia de Pontemaceira, a zona histórica de Negreira, a vista máis completa de Santiago de Compostela, a incalculable riqueza cultural e vida da mesma, o parque A Granxa do Xesto nos arredores, os recunchos máis peculiares e descoñecidos pola maioría...

Programa da Ruta

Ver Mapa

Negreira 

-Pazo de Cotón. Trátase dun pazo (construción tradicional señorial galega) situado nunha contorna na que destaca sobre todas as cores o verde.

Ames

-Pontemaceira. Nas ribeiras do río Tambre álzase, en plena harmonía co entorno, a aldea de Pontemaceira. Tentar de describila é máis ou menos o que podería ser describir unha paisaxe de conto de fadas: unha fermosa ponte de pedra cruzando un ancho e rochoso río de profundos pozos e brancos rápidos; pequenas e gustosas casiñas de pedra bordeando a ribeira; diferentes cantos desde as ramas das árbores...  

Santiago de Compostela.

-Monte Pedroso. Subiremos a unha dos cumios máis altos de Compostela, o Monte Pedroso. Desde esta atalaia natural poderemos contemplar toda a cidade crece ao redor da maxestuosa catedral.

-Casco antigo de Santiago de Compostela. Tras divisar o noso obxectivo desde o Pedroso avanzaremos ata chegar á zona vella da cidade, declarada patrimonio da humanidade, onde conflúen e conviven harmoniosamente as ancestrais pedras coa mocidade e modernidade dunha significativa poboación universitaria.

-Granxa do Xesto. Despediremos a xornada no parque A Granxa do Xesto, situado nos arredores de Santiago.

A Granxa do Xesto é un lugar idóneo para relaxarse un pouco tras un intenso día de viaxe: numerosas árbores, lagoas e un curioso café xusto no centro, no que gozar dun refresco convértese nunha experiencia deliciosa por estar a facelo en tan bucólico entorno.

Máis Información

Negreira

Pontemaceira

Turismo de Santiago de Compostela

Axenda cultural de Santiago de Compostela

Foliada en A Casa das Crechas (pub mítico de Santiago)

Casa Sampedro

Casa Ruso