Terras de Ribadavia. Natureza e viño na ruta dos Templarios

Un terreo cunha orografía sinuosa, con numerosos restos dunha época pasada. Vestixios de asentamentos castrenses, igrexas e pontes románicas, mosteiros e abadías, priorados,... herdeiros de parte do Imperio Templario que converteron a esta poboación en produtores de derivados do viño e atraeron a comerciantes e fidalgos que construíron aquí os seus pazos.

¿Por que?

Unha zona rural, salpicada de pequenos e escasos núcleos urbanos como O Carballiño, onde unha magnífica paisaxe cultural e natural se mestura coas casas de emigrantes retornados que, sempre inacabadas, se recoñecen na arquitectura popular galega; en contraste coa paisaxe urbana da próxima cidade de Ourense. Cunha vexetación moi frondosa, na que abundan carballos, castiñeiros, piñeiros e eucaliptos, bañados por abundantes regatos, co río Miño como gran protagonista. A auga e a pedra granítica atópanse por todos lados.

E ademais...

Recoñecida tamén como Vía da Prata, antiga senda do camiño a Santiago do Ribeiro, ao seu paso por Carballiño, Ribadavia, Leiro, Arnoia até Castrelo de Miño, completa parte do Camiño  Xacobeo do Ribeiro. Hai constancia documental de que existían albergues.

En Beade atópase o único cruceiro templario de Galicia, e ao longo desta ruta localízase a maior concentración na comunidade de igrexas fundadas polas ordes hospitalarias de Amorne e de San Xoán de Xerusalén, ambas contribuíron ao auxe das peregrinacións.

Que vas descubrir

Na ruta que che propomos descubrirás un itinerario completo para gozar das paisaxes naturais e das xentes das comarcas do Carballiño e O Ribeiro. Un contraste entre a actual modernidade agresiva dos pequenos núcleos urbanos do rural galego e o pasado das pedras de camiños, pontes, cruceiros, mosteiros, pazos e abadías, e as tradicións milenarias do pan e o viño.

Atoparaste con terreos de viñedos, a arquitectura característica da zona, de casas de pedra de granito e balcóns de madeira orientados aos vales. Coas rúas empedradas  de Pazos de Arenteiro, o barrio xudeu de Ribadavia e os Mosteiros cistercienses de San Clodio e Santa María de Oseira.

Descubrirás o Pan de Cea, excelente, con denominación de orixe. Feito de maneira tradicional en fornos de leña, son un gran atractivo turístico. Os panadeiros e panadeiras do pan de Cea están afeitos ás visitas de turistas que chegan a Cea desde múltiples lugares coa curiosidade de probar este pan con tanta fama. Sempre están dispostos a explicar pacientemente ao visitante todo o procedemento de elaboración deste pan, a súa historia, características diferenciadoras e os seus utensilios de elaboración.

Para acompañar ao pan de Cea, estarás no mellor lugar do mundo para degustar unha ración de "polbo á feira", servida de maneira tradicional polas "pulpeiras" do Carballiño, en pratos de madeira, na terraza de calquera "tasca" e restaurante. Todo regado por unha cunca dun bo ribeiro.

Programa da Ruta

Itinerario: ver plano

No seguinte enlace atoparás axuda para localizar aloxamentos de maneira rápida e eficaz: Ruta do Viño Ribeiro. Trivago

Máis Información

Comarca de O Carballiño. Wikipedia

Pan de Cea

Festa da Historia

Galería de imágenes de la Festa da Historia de Ribadavia. La Región

Ruta de sendeirismo en Pazos de Arenteiros

Viño do Ribeiro