Unha viaxe polo tempo

Ruta ideal para relaxarse. Os lugares que conforman a ruta polas terras de Caldas teñen un punto en común: en todos e cada un deles xorde a sensación de estar a pasear por outra época, ben sexa pola aparición de diferentes manifestacións históricas ou culturais, ben pola estrutura mesma dalgún dos pobos.  As termas de auga quente e pegadas celtas de Caldas, de Cuntis e do seu entorno ofrecen un atractivo percorrido que deixa no/o viaxeiro/a un curioso sabor a historia difícil de definir.

¿Por que?

Nas vilas de Caldas e Cuntis, con abundancia de balnearios e burgas, gozaremos dunha interesante mestura entre tradición histórica e modernidade.

Pasearemos polos seus xardíns polo casco antigo, prestando especial atención a construcións como a ponte romana de Caldas e as edificacións típicas de pedra da zona.Coñeceremos como vivían os Celtas en Castrolandín desde un outeiro desde o cal se pode divisar o pobo; a súa zona vella é imprescindible para o viaxeiro. Aquí atoparémonos con diversas Burgas (fontes de auga quente) e balnearios, ademais dunhas vivendas en perfecta sintonía coa zona. Entraremos no local da Fundación Castrolandín, onde existen reproducións fieis de vasixas e utensilios elaboradas polos devanceiros do lugar. Tamén teremos a posibilidade de adquirir algún pequeno recordo da zona.

E ademais...

Rúas de pedra, tranquilidade, calma, a amabilidade da xente, ou os baños e augas medicinais das termas e balnearios.

Nos meses estivais podes atopar diversas festas populares polo camiño. Entre elas debemos destacar a “Cultura Quente” de Caldas de Reis, que consiste en multitude de actividades culturais e deportivas cun leit motiv diferente cada ano. “Cultura Quente” transcorre durante as tres primeiras semanas de xullo e outorga á vila termal de Caldas de Reis vida e dinamismo especiais.

Que vas descubrir

A cultura dos celtas que habitaron os miles de castros galegos durante centos de anos; a súa forma de vida, a súa tecnoloxía, teares, muíños, cerámica... A beleza da pedra e da auga, auténticos totems da Galicia Rural, e que están presentes na vida diaria de pobos, vilas e cidades de Galicia. A hospitalidade das xentes locais.

Programa da Ruta

Itinerario:

Ver Mapa Caldas de Reis

Caldas de Reis. Xardín Botánico á beira do río Umia. A combinación do son e a beleza de diversas fontes xunto a unha gran variedade de especies vexetais. Un lugar ideal para dar un bo paseo despois da comida. Na súa zona vella pasearemos polas súas rúas empedradas, casas típicas de pedra, ponte romana, igrexa... Este paseo permitiranos apreciar a convivencia de tradición e modernidade.

Ver Mapa Cuntis

Cuntis. Entraremos no local da Fundación Castrolandín, onde existen reproducións fieis de vasixas e utensilios elaborados polos devanceiros do lugar. Tamén teremos a posibilidade de adquirir algún pequeno recordo da zona. No Centro urbano comprobaremos in situ o excelente gusto do seu pequeno casco antigo, con casas e rúas empedradas, burgas (fontes de auga quente), igrexa, xardíns, o seu atractivo e frecuentado balneario de augas medicinais... A tranquilidade que Cuntis inspira é difícil de atopar nos tempos modernos. Nada igual para atopar paz interior. A amabilidade e hospitalidade das súas xentes son un complemento ideal.

Máis Información

Enlaces de interés:

Páxina web do concello de Caldas de Reis

Páxina web do concello de Cuntis

Visita Cuntis neste vídeo

Conoce neste vídeo a festa do lacón de Cuntis

Le algo máis sobre a Festa do lacón de Cuntis