En busca das baleas

Visita etnográfica centrada na paisaxe cultural dunha vila mariñeira tradicional: Malpica. Cunha cultura vinculada ao mar da Costa da Morte e á pesca histórica da balea. Onde os sabores do mar, as conversas de pescadores e  a fermosa e brava paisaxe atlántica son dignos de coñecer e gozar. Todo iso acompaño dunha visita obrigada ao santuario de San Hadrián e ás Illas Sisargas, onde aniñan diversas especias de aves mariñas.

¿Por que?

A pesca da balea foi unha das principais actividades económicas do porto de Malpica, vila mariñeira histórica da Costa da Morte. Contan as crónicas que se chegaban a pescar uns 8 exemplares cada ano, e que foi a partir do século XVIII cando a balea foi perdendo importancia sendo substituída pola sardiña.

E ademais...

Podemos coñecer o Cabo de San Hadrian, onde a lenda conta que o santo pisou a serpe que amedrentaba aos aldeáns no seu afán por chegar ás Illas Sisargas. Lenda de tradición oral moi presente na cultura popular da Costa da Morte. Unha romaría popular celébrase o 15 de xullo e a ela acoden camiñando miles de romeiros. Tamén poderás visitar o pequeno pobo oleiro de Buño, onde continúa vixente unha tradición ancestral de traballo co barro; poderás entrar nun taller e charlar cos artesáns.

Que vas descubrir

Malpica, unha tradicional vila mariñeira localizada ao noroeste da provincia da Coruña na mítica e afamada Costa da Morte. Descubrirás un lugar idílico pola beleza das súas costas e as súas praias de area finísima. Tamén poderás saborear calquera dos exquisitos pratos de peixes e mariscos en restaurantes locais e compartir momentos cos pescadores nas tabernas, gozando dunha "cunca" de viño e das súas fazañas e xestas no mar.

Programa da Ruta

Ver Mapa

O noso primeiro encontro será con Malpica, porto pesqueiro de sempre; perderémonos nas suas rúas e poderemos degustar a exquisitez dos seus pratos cuxo principal compoñente é o peixe e o marisco. Poderemos visitar algunhas casas onde permanecen as pegadas do pasado; os osos das baleas como vigas de sostén de paredes e teitos. Achegarémonos ao porto onde poderemos participar nunha puxa de peixe e marisco, na lonxa que recibe a descaga dos barcos.  Tamén poderemos coñecer a historia dos boteiros ou taxistas do mar, sendo Malpica o único lugar de Galicia onde existe este oficio. Para finalizar visitaremos a "Casa do Pescador", con murais de temática baleeira do pintor Urbano Lugrís; e camiñaremos por un carreiro ao longo da costa(4 km de fácil acceso) ata o santuario de San Hadrián para contemplar a beleza da Costa da Morte e das Illas Sisargas, lugar histórico de disputas e conflitos de piratas e aldeáns. Por último podes pasar polo pobo de Buño e coñecer a tradición celta do traballo da cerámica.

Máis Información

Visita Museo do Mar

Páxina Romerías

Galicia Para el Mundo

Visita Concellol de Malpica

Sisargas

Buño