Que Galicia foi tradicionalmente un pais de emigrantes non é ningún segredo.

Foron moitos e moitas os/as galegos/as os/as que decidiron, dende finais do século XIX e en busca dunha prosperidade económica que aquí non lograban alcanzar, emprender unha viaxe rumbo a diferentes áreas de sudamérica, coma Cuba, Arxentina, Venezuela, Brasil...

A sorte da nosa emigración foi dispar. Moitos/as conseguiron saír adiante no estranxeiro, namentres que moitos outros tiveron que volver por diversas causas.  Fora como fora, a separación entre os/as nosos/as galegos/as e Galicia nunca foi total. Durante este periplo, que para moitos/as se prolongou de xeito indefinido chegando incluso a formar familia alén dos mares, unha boa parte desta masa galega migratoria continuou colaborando na evolución socioeconómica do pais, ben economicamente, ben a través da formación de asociacións ou comisións para o levantamento de escolas e sindicatos.

A mostra deste vínculo inevitable entre unha terra e os/as seus/súas fillos/as está extendida por Galicia en forma de construccións indianas, é dicir, manifestacións arquitectónicas que imitaban o estilo propio das vivendas e edificios dos paises de destino da emigración.

Non perdas a ocasión de comprobar esta peculiaridade da nosa terra no seguinte enlace da web Infobrión.com:

A pegada dos indianos en Brión